ياما قالوا الشعب ساكت
ياما قالوا الشعب ساكت
شعب قاعد
لا ليه في ثوره ولا في لمة
مستكين والحالة عامه
علي وضعه من سنين
مراره طافح
فاقد دوافع
قول له أسكت …هيقول أمين
شعب راضي شعب قاعد شعب ساكت!!
وفجأة لقينا الثورة قامت
عيش حرية عداااالة
يا بووووووووي
دي الشباب قالت قوااااله
والشوارع لقيناها فاضية
والسجون فتحت ببانها
والبلد اللي كانت أمان
و مستقرة كمان وهادية
بقت الناس تحرس ببان
كل واحد دببان
و كل ساعة يطلع بيان
والبيان الحلو بان
والمضارع يقلب لماضي
وكل ماضي فعله كان
وأبتدي مشوار جديد
والنهار طلع وليد
والوليد في لحظه شاب
و لسه في ودني صوت الشباب
اللي كانت بتقول قوووووالة
عيش حرية و متنساش حبة عدااااالة
