ميلاد ميكائيل مرشح المحافظين الفيدرالي عن مسيسوجا – إرين ميلز.. وحديث مع ”جود نيوز” هل نضب ”المعين”؟ ” لو كنتَ ههنا لَم يمُت أخي“... لماذا تأخر الرب؟ الحوار الذي لم يُنشر عن ما حدث في تورونتو ”محمد صلاح” الدماغ قبل القدم ما بين زيارة مجلس الأعمال المصري الكندي ... والانتخابات البرلمانية الكندية 28 أبريل الزواج في مُجتمعاتنا العربيَّة.. إلى أين؟ ايها الاقباط اما الأن او سنندم هل للمرنمات dress code معين؟! شهادة الوفاة تصدر الآن‎ ثقيلة هي ثياب الحملان! (قصة قصيرة) (7) هل فعلا ابتهال أبو السعد ب 100 راجل!!

جورج موسي يكتب شعر: فعله الماضي كله أمر

فعله الماضي كله أمر

ومضارعه ذُله مُر

مضاف إليه يقف وحيد

حابب يكون وسط العبيد

ويا البواقي يعيش بعيد

والبواقي كالهوامش

يموت وهو لسه عايش

ودوره كهامش مش جديد

مفعول به كان أصله فاعل

وكان له سطوة ويا الفواعل

بس هي تدوم لمين؟!

دنيا فانية ترفع سنين

وفي ثانية أسفل سافلين!

ده حرف جر ومش بأيده

الزمن بيجرجر عبيده

لو أصله حر عمره ما يركع

وبلقمة ناشفه برضه هيشبع

ولو حتى شهد الدنيا جاله

مرفوع براسه مش بماله

ولا عمره يركع غير لسيده

وسلام لكل أصيل وحُر

ولا عمر حد جره جر

ماضيه مضارعه ده شئ يشرف

معروف تاريخه ولا يُعرَّف

تمييزه واضح تمييز يسُر

غير اللي ماضيه كله أمر

نكرة ومضارعه ذُله مُر؟!