ولكنها اختيارات إجبارية

واللي كان فعلاً مضارع

يبقي ماضي وذكريات !

ذكري حلوة في بيت في شارع

كان بسيط مش بيت ذوات

بس فيه عمري وسنيني

مش دقايق أو ساعات

دي سنين عمري أللي راحت

دي حياة الحيوات

كل ثانية فاكرها فيه

كل شبر مشيت عليه

ليه في قلبي كام حكاية

وعمري أيه غير كام حكاية

جنب بعض يبقوا حكايات !

وتقولولي متجبرتش

كان بأيدك متغصبتش...

شوف يا سيدي أو يا ستي .

ياما ناس كل اختيارهم

كان بضغط أو ده قدرهم

غصب يعني مش أختيارهم

غصب حتي لو يقولك

كان بأيدي ومتغصبتش !

نعم بعضها اختيارات ولكنها اختيارات إجبارية!!!